***BREAKING NEWS: Watuhumiwa wote kesi ya ZOMBE waachiliwa huru!!!***

BREAKING NEWS: Watuhumiwa wote kesi ya ZOMBE waachiliwa huru!!!

Monday, 17 August 2009 12:26

Jaji Kiongozi, Salum Masati, wa Mahakama Kuu ya Tanzania akisoma hukumu leo iliyochukuwa masaa sita, amewaachia huru washtakiwa wote wa kesi hiyo ya mauaji.

Katika kesi hiyo, Zombe na wenzake walikuwa wakituhumiwa kuwaua wafanya biashara wa madini Ephraim Sabinus Chigumbi, Sabinus Chigumbi (Jongo), Mathias Lung’ombe na Juma Ndugu aliyekuwa dereva teksi na mkazi wa Manzese Dar es Salaam, Januari 14, mwaka 2006 katika msitu wa Pande, Mbezi Luisi wilayani Kinondoni jijini Dar es Salaam.

Akisoma hukumu hiyo leo Jaji Masati alisema kuwa washtakiwa wote hawana hatia kwakuwa hakuna ushahidi wa moja kwa moja unaonesha kuwa watuhumiwa hao walihusika katika kufanya mauaji ya wafanyabiashara hao.

Jaji Masati amesema kuwa amekosa ushahidi wa kuwatia hatiani pamoja na kusikilizwa kwa mashahidi wote 37.

Katika kesi hiyo iliyosikilizwa zaidi ya miaka miwili, jumla ya mashahidi 37 walifika mahakamani katika siku tofauti tofauti kutoa ushahidi juu ya mauaji hayo.

Washtakiwa katika kesi hiyo walikuwa ni Abdallah Zombe ambaye alikuwa Mkuu wa Upelelezi Mkoa wa Dar es Salaam, Bageni, Makele, WP 4513 Jane, D1406 Mabula, D8289 Michael, D2300 Abeneth, B1321 Rashid, D4656 Rajab na D1367 Philipo.

Mshitakiwa Lema alifutiwa kesi baada ya kufariki dunia kutokana na kusumbuliwa na maradhi akiwa gerezani ambapo alilazwa katika Hospitali ya Saratani ya Ocean Road.

Baada ya kusomwa kwa hukumu hiyo baadhi ya mamia ya watu waliojazana ndani na nje ya mahakama walionekana kutoridhishwa na hukumu hiyo.

Mtuhumiwa pekee wa kike katika kesi hiyo WP 4513 Jane, alizirai baada ya hukumu ya kesi hiyo kusomwa , hivyo kufanya apakizwe kwenye gari la wagonjwa "ambulance" na kukimbizwa hospitali kwa ajili ya kupata huduma ya kwanza.

PICHA HIZI HAPA

zombe na wenzake walivyochomoa leo

ni kicheko wakati ACP Abdallah Zombe na wenzie wakiwa wamezungukwa na makachero na wanahabari wanaondoka mahakama kuu kupitia mlango wa nyuma mara baada ya mahakama kuwaona hawana hatia kwa mashitaka ya mauaji ya wafanyabiashara wa mahenge baada ya upande wa mashitaka kushindwa kuthibitisha tuhuma hizo

umati mkuwa wa wadau ulijaa hadi nje ya jengo la mahakama kuu

wakili machachari aliyemtetea zombe Mh. Jerome Msemwa, akipewa hongera wakati yeye na timu yake wakiondoka mahakama kuu baada ya kuigalagaza timu ya upande wa mashitaka

washtakiwa wakiwahi kudandia farasi mweupe baada ya kuchoropoka

wahi wahi afande.....

zombe akidandia vitara iliyokuja kumchukua

wadau wakiwa wameachiwa vumbi na vitara aliyopanda zombe

mahakama kuu palikuwa hapatoshi

zombe huyoooo anakitoa huku mashabiki wake wakiimba zombe! zombe! zombe!!

Wakili wa Upande wa Serikali Jasson Kashozi akihojiwa na wanahabari mwara baada ya hukumu ya Zombe na waenzake 9 ambao wameachiwa huru na mahakama kuu baada ya kutopatikana na hatia jioni hii kutokana na mashitaka ya mauaji ya wafanyabiashara watatu iliyokuwa ikiwakabili.

Comments

Add New

ros - Not fair

|196.46.109.xxx |2009-08-17 07:37:04

Cjafurahishwa na maamuzi ya mahakama hiyo for sure we are useless pple in this
world if u got no name or money!

Tafuta kwenye Website hii

***BREAKING NEWS: Watuhumiwa wote kesi ya ZOMBE waachiliwa huru!!!***

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

Habari Motomoto

Zilizosomwa Sana

Login Form

BREAKING NEWS: Watuhumiwa wote kesi ya ZOMBE waachiliwa huru!!!